Ich weiss no genau wo mir euis serscht mal troffe händ. mit dim Audi s2 Coupe bisch igfahre. mir händ eus grad super verstande und es hät e langjährigi und tüffi Fründschaft dörfe entstah. Mir händ soviel Ziit zämä verbracht und mega viel absolut tolli momänt dörfe erläbe. Ziit bi dir dehei wo du no in Seen gwohnt häsch. Mir händ soviel ustusched und fascht immer no öppis Köcheled. Du bisch ebe au en richtige gnüsser gsi. Mir sind zämä go Töff fahre und es isch eifach jedesmal es Erläbnis gsi. Mir sind unzähligi mal go brötled oder go bädelä oder händs eifach soooo luschtig gha zämä. mir häd au immer chöne über de Glaube rede was mir sehr vill bedüdet hät. Mir händ euis gägäsitig ermuetige und au ermahnet. Es git würkli ganz wenigi Mänsche wo ich so viel tolli Momönt vo mim läbä han chöne teile wie mit dir Mäni. Eis vom gröschte Erläbnis allgemein isch natürich euise legendäri Road Trip gsi. Dur soviel Länder simmer gfahre. euse erschti richtig halt hämmer in Rumänie gmacht im Chinderheim in Viseu de Sus.
nacher simmer wiiter bis nach Kroatie und über Slowenie wieder hei. Mit niemert anderem wäri de Trip so Abendtürlich worde. Mir händ det eifach so tolli Täg gha. So oft wämmer eus gseh händ, hämmer zämä die Föteli aglueged und über die toll Reis gredet und glached. Mir händ immer gseit, dass mir so öpis wieder emal werded mached. leider häsch du dich anderscht entschiede. ich wird dich immer in Erinnerig ha und die beriecherndi Ziit wo ich mit dir gha han nie misse. Du hinderlasch e grossi lugge i mim Läbä, wo niemert so eifach chan fülle. Aber ich will mich au freue, dass du de Herr Jesus häsch dörfe känne und ihn als din Erlöser dörfe aneh. Das du jetzt dihei bi eusem liebende und gnädige Vater dörfsch si. Sgröschte Gschänk wo en Mänsch dörf ha häsch du in Aspruch gnoh und dafür bin ich Gott unändlich dankbar. Din Fründ Simon
- Simon