Ig ha di numä churz dörfe kennälerä. Für 1 Wuchä (Sept. 21) heimir zämägschaffet und üsi Ideologie teilt fürs Naturvermittle a Bänker bir Biudigswärchstatt Bärgwaud. Wenns mau am Mittag e Pousä hett gä vor schweisstribendä Arbeit i dä Wäuder ir Nechi vom Ägerisee ZG isch üs nid längwilig worde. Mir hei wie hie ufem Biud dä UBS-Lüüt es Stück Natur necher bracht. Wie hie ufem Biud, wo dune grad öppis zumne Wurzutäller vomene grosse Boum verzöusch. Ganz ufmerksam heisi dir zueglost und ig ha unbemerkt es Fotti gmacht 🙂
Es hett mir Freud gmacht mit dir dörfä zämäzschaffe – ig hami chönne uf di verlah und du hesch mir Muet gmacht ou mau öppis Nöis uszprobiere. Z.B. mit de Teilnähmer blind und barfuess dürs Moor loufä. Das isch när ou sehr guet acho, obwousi afänglech scho chli ihri Zwifu gha hei.
Merci Emanuel für dini Inspiration, di gmeinsami Zyt und Freud am Waud woni ha dörfä mit dir teilä! ZFüür brönnt wyter.
- Laura